VisPop Jewel
CEBU, Philippines - Mga huni nga nagdagayday ug mga mensahe nga mahimong kapanaminan ang kawsa sa 20 anyos nga si Jewel del Rio Villaflores kinsa ang nagtinguha nga maugmad ug mapalambo ang local nga musika.
Mahiligon si Jewel sa pag-compose og mga kanta busa kanunay gayud siya makadaog sa mga song writing contest ug ang labing bag-o niya nga titulo mao ang pagka-champion niya karong tuiga sa Visayan Pop Music Festival.
Gawas sa abilidad niya sa pag-compose og awit, dili usab mabangbang ang kanindot sa iyang tingog busa siya rapud ang kasagaran nga mo-interpret sa iyang gipang-compose.
Dili basta-basta ang maong kompetisyon gumikan kay nakatigi niya ang nagkalain-laing contestants nga naggikan pa sa laing dapit sa Kabisay-an kung diin moabot kini ngadto sa 80 ka entries nga gihashasan ngadto sa unom.
Ang awit niya nga Duyog mao usab ang nakadawat sa People’s Choice award ug napili usab siya nga best Interpreter.
Matud pa niya nga ang pag-umol og awit kinahanglan nga kinasing-kasing aron mahulma ang maayo nga mensahe nga seguradong hangupon sa katawhan.
Gradwado si Jewel sa kursong Mass Communication sa Saint Theresa’s College ug nagtrabaho siya karon isip marketing assistant sa usa ka ilado ug dakong kan-anan dinhi sa Sugbo.
Malipayon si Jewel nga puros pagdayeg ang nadawat niya sa iyang mga komposisyon, hinuon iyaha na nga giandam ang iyang kaugalingon kung pananglitan dunay mosaway kaniya ug iyang seguraduon nga dili siya magpaapekto niini.
Gawas sa istorya sa gugma, pipila sa tema sa iyang komposisyon mao ang pagpanalipod sa kalikupan ingon man usab ang sitwasyon sa komunidad.
Pinaagi sa seryoso nga pagpaniid sa palibot, makaumol na si Jewel og mga kanta.
QandA
BNH: Pila imong edad nga nagsugod ka og compose og mga kanta?
Jewel: Nagsugod ko og write og songs when I was about 6 or 7. Music lovers man mi tanan sa family. My aunt taught me how to play the piano when I was a kid. Everything started from there. Pero kailangan pa ko i-bribe sa akong parents para mukanta in public ato nga time kay I was very shy.
BNH: Human sa VisPop, unsa ang sunod nimo nga target?
Jewel: Getting my own music out there. Magsuwat ko og more songs both in Bisaya and English and i-promote sad nako ang Bisaya music.
BNH: Unsa imong tambag sa mga tawo nga ganahan mapareha nimo nga dunay talent sa paghulma og kanta?
Jewel: Padayun sa pagbuhat sa imong dream. Ayaw kauwaw. Seize the day.
BNH: Unsa imong sekreto sa kanindot sa imong tingog?
Jewel: Haha, wala gyud ko kabalo. Pero seguro confidence and discipline.
BNH: Kung ikaw pagawon, mopadayon gihapon ka sa pagkanta?
Jewel:Yes. Dili ko ganahan naay ma-disappoint nako nga nag- expect nga mu-perform ko ‘nya dili diay madayun so mo-try jud ko sa akong best permi.
BNH: Gawas sa pagkanta, unsa pa ang lain nimo nga mga talento?
Jewel:I can play the drums, piano,guitar and harmonica. I also love sports, painting and writing.
BNH: Kanus-a ka makaingon nga nindot ang tingog sa usa ka tawo?
Jewel:Kung maka-touch siya sa heart. Not necessarily taas iyang tingug o maka abot siya og high notes. Naa ra sa feelings sa pagkanta and sa emotions nga iyang mahatag.
BNH: Gawas sa nindot nga tingog, unsa pa angayan nga qualities nga naa sa usa ka singer?
Jewel:Kailangan love niya iyang gibuhat and willing siya makat-on ug kinahanglan nga humble siya.
BNH: Adunay mga musical variety show sa telebisyon, nga pakantahon nila ang mga artista bisan dil kaayo nindot og tingog, unsa imong ikasulti ana?
Jewel: Hahaha…no comment.
BNH: Unsa ka importante ang edukasyon alang kanimo?
Jewel: Very important. Knowledge is a fortune. But of course ma-gain nimu ang knowledge in a lot of ways pero ang edukasyon usa ka dakong tabang.
BNH: Kinsa ang ganahan nimo nga political figure ug ngano man?
Jewel: Sa karon wa pa niabot ang pinaka ideal nga political figure para nako. But that person must be a combination of integrity and intelligence.
BNH: Qualities sa guy nga imong gipangita.
Jewel: Buotan, understanding and smart
Pahugyaw questions
BNH: Naa na ka’y uyab ron?
Jewel: Wala
BNH: Target nimo nga edad nga magminyo ka.
Jewel: Wala ko kahibalo, wala man gyud naghuna-huna og target nga edad, hehehe.
BNH: Dili nimo makalimtan nga experience nga gikataw-an ka og maayo sa mga tawo.
Jewel: Nakagakos ko og wa ko kaila nga tao sa Ayala kay abi nako akong friend. Gika -taw an ko og maayo. Uwaw kaayo maong nidagan nalang ko.
Name: Jewel del Rio Villaflores
Nickname: Wiwin
Age: 20
Date of Birth: September 23, 1992
Nationality: Filipino
Favorite songs: Imagine by John Lennon, All the Rowboats by Regina Spektor and of course my own song Duyog.
Favorite movie: Atonement
Favorite TV station: Solar Sports
Celebrity Crush: Paolo Nutini
School: Saint Theresa’s College (I graduated last march)
Course: Mass Communication major in Media Communication
Motto: “The secret of flight is this — you have to do it immediately, before your body realizes it is defying the laws.†- Michael Cunningham
- Latest
