Mga artistang kahadlokan

CEBU, Philippines - Hello, mga kasamba nako diha sa chapel sa INTV-CCTN, Channel 47! Salamat nga nibalik na pod ko’g simba diha, nagkita na pod mi ug ang akong good friend nga akong gikamingawan, ang ambongan nga si Andrei Badayos, nga migakos gyod nako ug miingon nga gimingaw pod siya nako. Imagine? The feeling was mutual diay? Wa na man god mi communication. Kay nag-ilis man pod diay siya’g number. Anyway, naka-celebrate gyo’g ahat si Leizel Diada Relatado sa iyang birthday. Kay duna may balikbayan nga miabot, si Jun Inoba, ang tag-iya sa 2J Auto Parts, nga suod ni Danny Relatado, Jr.. Unya, suod man pod kaayo ni Jun si Christian Tariman, so miabot pod si Christian. Mga yadzz for the very first time, nakakita kong Christian Tariman nga nahubog! Kadto pa man gud ko makakita niyang moinom og hard drinks. Nalipay lang gyod kono siyang nagkita sila’g usab si Jun. Ug kay nahubog, bisa’g unsa na la’y gipanulti. Kontrabida na sad siya sa among Lenten offering. Speaking of the word kontrabida, pagka kita nakong Ron Morales sa May Isang Pangarap, nahadlok dayon ko. Kay kontrabida man siya sa Kung Ako’y Iiwan Mo.” Unya, nakita pod nako si Valerie Conception, nakaingon gyod ko, “Hala! Naa na sad si Valerie! Unsa na sad kahay buhaton ani niya?” Kontrabida man god pirme ang role niya. Pero gitataw gyod ni Aida Patana nga buotan si Valerie sa personal, hinungdan nga usa gyod si Valerie sa mga endorsers sa Michel’s Wines. Ingon man pod si Mylene Dizon naa siya’s Kahit Konting Pagtingin. Pagka kita nako niya, nakaingon pod ko, “Na! Naa diay’s Mylene Dizon. Bad raba kaayo to siya’s Budoy. Mao ni sila ang mga bag-ong kahadlokang mga artista, pero buotan sa tinuod nga kinabuhi.