Bubble Gang may sariling version ng Harlem Shake

MANILA, Philippines - Ngayong Biyernes (Pebrero 22), hindi lamang mapapatawa kung hindi mapapaindak pa ang mga Kapuso viewers sa hatid na mga gags and spoofs ng buong tropa ng Bubble Gang kasama sina Sef Cadayona, Mark Herras, Kevin Santos, Paolo Contis, Chariz Solomon, Bubbles Paraiso, Ynna Asistio, at Carla Abellana.

Bukod sa version ng comical duo na Moymoy Palaboy ng Oh Oh Here We Are, hindi dapat palampasin ang tatlong versions ng pinakabagong dance craze na Harlem Shake. Siguradong mapapaindak ang lahat kasama ang buong BG barkada.

Agaw eksena naman ang isang lalaki na nagdadamit at nagkikilos babae sa Panlalaki ‘To. Hindi rin magpapatalo sa kasasalita ang talk show host ng Pag-usapan Natin Ito na ayaw man lang bigyan ng pagkakataon ang kanyang mga guests na magbigay ng comment.

Siguradong hindi mapapalampas ng lahat ang isa na namang matinding pick-up-an kasama ang nag-iisang Boy Pick-Up. May makatalo na kaya   kay Boy Pick-up?

Abangan ang lahat ng ‘yan ngayong Biyernes ng gabi sa Bubble Gang pagkatapos ng Temptation of Wife sa GMA.