For The Girls!

Hello!! Kumusta inyong unang Domingo sa tuig 2013? Naghinaot ko nga inyong gisunod akong tips niadtong niaging Domingo sa pagpatuman sa inyong New Year’s resolutions. Maayo ra baya ‘ta sa unang semana. Aminin! Mao nga hagit na ninyong tanan nga inyo tong tumanon hangtod gyud mahuman ang tuig Karong adlawa, para ni sa mga kababayen-an. Daghan kaayong magsige og pangutana nako kung unsa nga mga sapot ang kinahanglang huptan  sa usa  ka  babaye. So tan-awa  na inyong mga cabinet kung naa na ba mo ani. Kung wala pa, tigumi ninyo para kung naa kay sobrang kwarta, inyo kining mapalit. Mao kini ang mga butang nga “timeless”, o dili gyud mawala sa uso.

1. Black pencil skirt – ang pencil skirt pwedeng magamit sa trabaho o sa laing lakaw pareho sa party o date. Ang itom kay mapares sad ug bisag unsang color sa blouse.

2. White shirt/polo – di gyud ka masayop sa usa ka puti nga polo. Classy ug elegante kining tan-awon bisan sa unsa nga okasyon. Paresan lang nimo kini og pantalon o sayal. Siguroa nga nindot kini og fitting nimo.

3. Maong nga Pantalon – Importante kaayo ang usa ka maong sa imong cabinet. Dapat kung mopalit ka’g pantalon, kanang nindot gyud og fitting sa imoha. Ang maong pwede sa casual nga lakaw.

4. Blazer – ang usa ka blazer, classic kaayo og pwede nimo mapares og bisan unsa. Makahatag kini og casual ug professional nga dating nimo. Pili og color nga dali maparesan pareho sa black, nude, navy blue o rose pink.

5. Little black dress o LBD – kini mao ang usa sa mga importante sa inyong cabinet. Mao kini ang dali nimo mabira kung ikaw mo attend og usa ka espesyal nga okasyon. Pilia ang kanang mohulma sa imong lawas, desente tan-awn ug dili law-ay. Likayi sad ang mugbo kaayo.

6. Stilleto o high heels – Bisan og sakit kini sa tiil ang high heel sexy kaayo tan-awon. Mao kini ang makada og pagkababaye sa bisan unsa nga outfit. Pwede kini pang trabaho o panglaag sa gabii.

7. Day dress - mao kini ang sanina nga pwede nimong masul-ob sa adlawan. Kung naay panahon nga kapoyan ka og pares-pares sa imong pantalon, sayal ug blouse. Mao ni ang labing daling birahon sa imong cabinet. Pili og solid nga color ug likayi ang mga printed kaayo.

8. T-shirt nga itom ug puti – Ang plain ug mohulma sa lawas nga t-shirt sa itom o puti nga color gamit kaayo. Pwede kining pangcasual o pang porma, depende sa unsa imong ipares niini.

9. Cardigan sweater – sa panahon sa tingtugnaw, ang usa ka cardigan o sweater ang pwede ninyo mapares sa inyong outfit. Siguroha lang nga plain kini o walay print para dali mapares.

10. Skintone nga panty ug bra – Kining duha importante kaayo kay pwede ning masul-ob ilawom sa imong sanina ug dili kini maklaro. Likayi na ang mga tiger print ug floral nga panty o bra, ilabina kung sihag imong isul-ob. Kining “nude”  o skintone nga color, pareha o duol sa imong skintone mao na haom kaayo sul-obon.

Pangutana? Kinahanglan kabahin lamang sa fashion o katin-awan sa gihisgutan karong adlawa. Ipadala kini, uban sa imong ngalan ug address ngadto sa: 0943-431-4567, sa dili pa ang tingpaniudto (12 noon, January 6, 2013) karong adlawa.

Atangi ang tubag sa imong pangutana dinhi lang sa Anah Lang inay nga magsige og miscall ug muhangyo nga mu-textback.