Paolo ug Lian in Cebu

Bitbit gyud ni Paolo Contis ang iyang girlfriend nga si Lian Paz dinhi sa Sugbo kagahapon. Si Paolo ug Valerie “Bangs” Garcia ang celebrity guests sa A Million Thanks Raffle Promo sa Gaisano Main. Bogo, Balamban ug Countrymall, diin milingaw sila sa mga taga Bogo kagabii. Suma pa ni Paolo nga okay ra kaayo si Lian ug gikinahanglan lang una niining mopahuway tungod kay under treatment man ang dalaga sa iyang ovarian cyst... - Ryan Mark

Becky wa katunga sa concert ni Jen

Wala makatambong si Becky Aguila sa birthday concert sa iyang talent nga si Jennylyn Mercado nga I Am A Woman sa Music Museum niadtong May 14 .Hinoun malipayon lang gihapon siya kay nagmalampuson kini. Wa makatunga si Becky gumikan kay maglisod siya pagtikang sa hagdan diin resulta kini sa iyang knee operation.

Rated K magpabilin gihapon

Nagpabilin lang gihapon si Korina Sanchez sa prgramang Rated K matag Domingo sa ABS-CBN sanglit usa lang sa usa ka semana ang taping niini.

Gidungog usab nga sa Oktubre na ang kasal nila ni Sen. Mar Roxas .

 Sam na over-fatigue

Nataranta ang mga staff sa seryeng Only You niadtong Biyernes gumikan kay gihilantan ug nagsuka ang usa sa mga cast nga si Sam Milby. Gidala sa hospital ang actor hinoun okay na ang kahimtang niini karon ug nakagawas na kini kagahapon sa tambalanan. Ang gibati ni Sam resulta lang sa iyang kakapoy sanglit gikan pa kini sa iyang US tour ug pun-an pa gyud sa iyang shooting sa movie nila ni Bea Alonzo nga I Love You So.

Mga artista mag-boxing

Adunay maabot nga programa kabahin sa celebrity-amateur boxing series nga makita sa buwan sa Hunyo nga i-direk ni Richard Arellano. Gumikan sa kalampusan ni Manny Pacquiao sa natad sa boxing, nahulma ang Warriors hosted by Carlos Morales ug Kat Alano diin duna pu’y partisipasyon sila si sports commentator nga si Bill Velasco ug ang boxing analyst nga si Dennis Prinsipe. Ang celebrity boxers gilangkoban nila ni Ryan Eigenmann, Joem Bascon, Emilio Garcia, Chad Peralta, Michael Flores, Judah Paolo, Rico Robles ug ang Survivor Philippines runner-up nga si Rob S. (Sanden J. Anadia)

Malou Fagar close sa ABS-CBN executive

Atol sa birthday party sa vice president for entertainment sa ABS-CBN nga si Cory Vidanes, gidagsaan kini og maayo sa mga Kapamilya stars pero naa usab ang head sa APT Entertainment nga si Malou Fagar kinsa maoy producer sa pipila ka mga shows sa GMA-7 sama sa Eat Bulaga.

Ang labad nga aktres sa eroplano

Gisumsuman karon ang tsismis nga matud pa dunay naglinabad nga usa ka aktres dinhi sa Cebu nga mobiyahe pabalik sa Manila. Matud pa nga ang maong aktres nakasakay na sa eroplano apan kalit nga nausab ang huna-huna niini kay dili na siya gusto modayon sa paglarga. Sa dihang ginaog na ang mga bagahe sa aktres uban sa iyang mga kaubanan kay mi-decide na usab kini nga modayon na lang sa paglarga.

Mommy Dionisa endorsers na!

Aduna na’y nadawat nga mga endorsement offers ang mag-biyenang Jinkee ug Dionisia Pacquiao. Matud pa mo-endorse si Jinkee og usa ka brand sa shampoo. Siya usab ang bag-ong endorser karon sa Belo Medical Clinic.Samtang gikataho nga usa ka brand sa gatas ang i-endorse ni Mommy Dionisia diin makauban niya ang usa ka TV host nga gikan sa Visayas.