Sen. Escudero: "Beautiful In My Eyes"

CEBU, Philippines - Unang nagsugat ang dalan nila ni Sen. Chiz Escudero ug sa maanyag niyang singer- wife nga si Christine Elizabeth Flores sa hotel lounge nga kanunay’ng tambayan sa mga batan-ong abogado diin regular pod nga performer ang iyang asawa.

Gipatoo ni Sen. Chiz ang mga kauban nga kaila sila sa maong lady singer apan nabuking kini sa wala madugay sanglit wala niini nabasa og tarong ang pangan niya samtang sekretong nagpadala og song request ug ang nasulti niini kay Atty. Cordero. Tungod niadto, bisan naulawan siya sa mga kaubang abogado, didto pod sila nagsugod ang panagkaila nila ug giimbitar na niya ang singer og laag.

Wala kahibawo ang pamilya ni Christine mahitungod nilang Chiz hinungdan sa tago-tago nga date. Pakuyogon siya ni Atty. Chiz sa mga hearings sa Pampanga ug Bulacan.

Wala madugay, gipahibawo na nila ang ilang ginikanan sa ilang relasyon ug sa usa ka singing engagement ni Christine sa Sulu Hotel, giimbitar ni Atty. Chiz ang iyang pamilya ug kang Christine. Samtang nag-andam ang iyang girlfriend sa sunod nga awiton niini, misaka siya sa stage ug giawit ang Beautiful In My Eyes dayon propose og kasal. Wala masayang ang iyang effort sanglit wala kini balibari sa dalaga.

Aduna na silay kaluha nga anak nga sila si Chesi ug Quino apan wala gihapon mohunong og kanta si Christine nga may blessing sa banang senador.

Ruffa dateless, movie nalay pahungawan

Walay plano nga makig-date si Ruffa Gutierrez karon tungod sa ka-busy sa iyang schedule. Aduna siyay promo sa bag-ong show nila ni Ai-Ai delas Alas sa ABS-CBN nga “Ruffa and Ai” ug sa gabie motan-aw na lang siya sa pelikula nila ni Richard ug KC nga mag-inusara matud pa niya.

“Nakaka-depress naman, wala akong kasama. Last year, ang kasama ko nun’g Valentine’s Day sina Lorin at Venice (her two daughters), sila ang nagbigay ng flowers sa akin,” paambit ni Ruffa ngadto sa PangMasa.

Seriously, sa pagkakaron wala pa niya makita ang kaugalingon nga mahigugma og balik human sa broken marriage kang Ylmaz sanglit wala na siyay panahon tungod sa kadaghang trabaho nga iyang giatubang karon.

Katumanan sa “City of Stars”

Makab-ot na sa dili madugay ang damgo ni Kuya Germs nga tawgong City of Stars ang Quezon City. Human sa dugay nga panahon, gipadangat kini og balik ni Councilor Atty. Ariel Enrile Inton ug aduna nay hearing nga nahitabo.