Regine-Ogie, wa matarog

Nabahin ang mga tawo sa kaulohan adtong Sabado sa gabii tungod sa tulo ka mga showbiz events, hinuon managlahi kini og oras. Una niini ang 33rd Metro Manila Film Festival Awards Night nga gipahigayon sa SMX Convention Center, sunod ang The Big Night sa Pinoy Big Brother Celebrity Edition sa Araneta Coliseum ug ang  concert nila Ogie Alcasid ug Regine Velasquez sa Klownz, Quezon Ave.

Tsika sa Pilipino Star Ngayon, daghan ang nagtuo nga maapektuhan ang tulo ka mga events ilabi na ang concert nila ni Ogie ug Regine , apan dakong kalipay sa PMPC, organizer sa maong concert tungod kay matud pa nagsugwak ang mga tumatan-aw.

 “Grabe, ang dami pang hindi nakapasok. Worth P40,000.00 pa ‘yung mga tickets na gustong bilhin ng mga tao pero dahil punong-puno na, hindi na sila nakapasok kaya nagsiuwian na lang sila,” matud sa usa ka PMPC member ngadto sa PSN.

Alas sais pa lang sa gabii, gilinyahan na pag-ayo ang Klownz sa mga tawo nga gustong mopalit sa ticket sa concert. Sa 11 p.m. pa ang show apan napuno na ang venue og sayo.
Ubay-ubay ang miingon nga kini nagpakita nga daghan pa og fans ang mag-sweetheart ug wala kini maapektuhi sa immorality issue nga gibato ngadto kanila.