Angelika, nagpalaglag

Hanggang sa susunod na buwan na lang ang kontrata ni Angelika dela Cruz sa GMA-Channel 7 pero, ayon sa kanyang ama na si Daddy Ernie dela Cruz (na kanyang business manager), ire-renew niya ang kontrata.

Sabi pa ni Daddy Ernie, walang katotohanan ang mga balitang ililipat niya si Angelika sa Channel 2. "Bakit ko siya ililipat doon samantalang ang ganda-ganda ng trato sa amin ng Channel 7 management? Parehas sila at ibinibigay sa amin ang gusto namin at nararapat lamang na suklian namin ito ng loyalty!" ani Daddy Ernie.

Pinabulaanan din ni Daddy Ernie ang mga tsismis na nagpalaglag ang anak niya. "Wala bang common sense ang nagkalat ng tsismis? Hindi ba nila alam na ang isang babaeng bagong panganak o nagpalaglag ay nangangailangan ng mahabang pahinga para hindi ito mabinat? Kailan ba nawala si Angelika sa sirkulasyon? MWF ang taping niya para sa soap opera niya at may rehearsal sila for SOP every Saturday at may SOP naman siya every Sunday!" sabi pa ni Daddy Ernie na natatawa na lang sa isyu. — DENNIS ADOBAS