Onemig, sinusuyo para mag-bakla

Sa huli naming pakikipag-usap kay Madam Jojo Galang ng World Arts Cinema ay patuloy pa rin ang pagkukumbinsi nila kay Onemig Bondoc na tanggapin ang alok nilang pelikula na makakatulong sa kanya para makahabol sa mga kasamahan nitong nagbida na sa mga pelikula.

Ang pelikulang ini-aalok nila sa aktor ay isang period movie, ang Erlinda Marikit kung saan isang binabae ang gagampanan nitong papel.

Isa siyang "kept woman" ng isang opisyales ng hapon kaya kailangan magmukha siyang babae.

Tulad nang pag-ahit ng kanyang kilay at pati iyong balahibo niya sa katawan ay kailangan alisin.