Mutya ng Pilipinas 2001 deadline itinakda

Malapit na ang deadline para sa mga gustong sumali sa bagong Mutya ng Pilipinas 2001. Isang joint production ng GMA Network, Inc. at Miss Asia Pacific Quest International, ang Mutya ng Pilipinas 2001 ay tiyak na magiging pinakamalaki sa kasaysayan ng "Mutya".

Maliban sa pinalaking mga premyo, ang mga magwawagi ay magkakaroon ng karangalang kumatawan sa bansa sa mga international pageants na Miss Asia Pacific Quest, Queen of Clubs, Queen of the Year, Miss Intercontinental at Miss Tourism International.

Ang Mutya ng Pilipinas ay bukas sa lahat ng Pilipinang may edad 18-24, may tangkad na hindi bababa sa 5’4’’, high school graduate, single (hindi kailanman kinasal, na-annul man o na-divorce) at may good moral character.

Ang deadline para sa submission ng entry forms ay ngayong Biyernes, April 20 na. Ipadala ang entry forms sa Mutya ng Pilipinas Secretariat, 10th Floor Sagittarius Condominium II, H.V. Dela Costa St., Salcedo Village, 1277 Makati City. Para sa mga karagdagang kaalaman, tumawag sa 8922057 o 892-2079 o kaya’y mag-e-mail sa mutya@gma network.com o kaya "mag-log-on" sa www. MutyaNgPilipinas.com