Kolektor ng electric coop nag-suicide
TUGUEGARAO CITY, Philippines — Sinisiyasat ng awtoridad ang dahilan kung bakit nagpakamatay ang isang kolektor ng Cagayan Electric Cooperative (CAGELCO) sa pamamagitan ng pagbaril sa sarili sa Barangay Centro 2, Lasam, Cagayan noong Lunes.
Ayon kay Police Corporal John Paul Peralta, dakong alas-4:30 nang magising ang misis ng biktimang si Mario Malsit, 45, sa alingawngaw ng putok ng baril.
Agad pinuntahan ng ginang ang kanilang palikuran na pinanggalingan ng putok at laking gulat nito nang madatnan ang mister na si Mario na patay na at naililigo sa sariling dugo.
Narekober sa tabi ng bangkay ang isang kalibre 45 boga na ginamit ng biktima sa pagpapakamatay.
Palaisipan pa sa awtoridad ang sanhi ng pagpapakamatay ng biktima at inaalam kung may kinalaman ito sa trabaho o personal na problema sa pamilya.
- Latest
