Ama pinabulagta sa harap ng anak
NORTH COTABATO, Philippines — Patay ang isang 54-anyos na mister makaarang pabulagtain ng ‘di pa nakilalang gunman sa harap mismo ng kanyang anak sa krimeng naganap sa Purok Cayambanan, Brgy. Griño Tacurong City, Sultan Kudarat nitong Biyernes ng hapon. Agad na nasawi ang biktima na si Arnaldo Dela Rosa Acuinsion, may asawa, isang magsasaka at residente ng nabanggit na lugar dahil sa isang tama ng bala sa ulo mula sa hindi pa matukoy na baril. Sa ulat, sakay ang gunman ng isang Raider 150 na kulay pula at puti habang nakatatlong ulit na umanong pabalikbalik ang gunman sa bahay ng biktima bago nito na tyempuhan ito, pasado alas-5:00 ng hapon. Nakatayo umano ang biktima kasama ang anak nito sa gilid ng daan ng biglang huminto ang suspek at sinabihan na “Asan ang papel? sabay bunot ng armas at binaril ang mister. Personal na alitan ang nakikitang motibo sa krimen.
- Latest