Ex-councilor, nag-suicide

SOUTH COTABATO , Philippines   â€“ Kusang nagpasalubong kay kamatayan ang dating councilor at municipal administrator matapos itong magbaril sa sintido sa bayan ng Surallah, South Cotabato noong Sabado ng hapon. Ayon kay P/Supt. Benito Siron Jr, hepe ng Surallah PNP, natagpuan ang duguang katawan ni Jorge Bautista sa loob ng sasakyan nitong Starex van na nakaparada sa panulukan ng Rosal-Aguinaldo Street sa Barangay Zone II-B. May tama ito ng bala ng baril sa kaliwang bahagi ng ulo na tumagos sa kanan. Isinailalim na rin sa paraffin test ang biktima upang malaman kung ito ang nagpa­putok ng baril sa nakuha sa kanyang sasakyan. Sinisilip din ng pulisya  ang mga anggulong may posibilidad ding may bumaril sa biktima na nakatira sa Villanueva Plains sa Barangay Libertad.