2 utas sa buhawi, 1 sugatan
MANILA, Philippines - Dalawang katao kabilang ang isang 1-anyos na sanggol na lalaki ang nasawi habang isa pa ang nasugatan matapos manalasa ang malakas na buhawi na ikinabuwal rin ng mga punong kahoy sa Pikit, North Cotabato kamakalawa.
Sa report ng National Disaster Risk Reduction and Management Council (NDRRMC),kinilala ang mga nasawing biktima na sina Bing GuiameÂlon Ukoman at Datu Puti Ukoman, magi-isang taon ng sanggol.
Isinugod naman sa pagamutan ang nasugatang batang babae na tinukoy lamang sa pangalang Doren, 8.
Batay sa ulat, bandang alas- 5:00 ng umaga nang manalasa ang buhawi sa Sitio Tapunin, Brgy. Pamalilan, Pikit ng nasaÂbing lalawigan.
Dito ay nabuwal ang mga puno na bumagsak sa isang mosque at limang kabahayan sa lugar na ikinasawi ng dalawang katao.
Nabatid na karamihan sa mga residente ay kagigising pa lamang at naghahanda na ng almusal ng mangyari ang insidente.
- Latest
