Mag-asawa, anak bulagta

BATAAN, Philippines – Hindi na nakapagdiwang ng Pasko ang mag-asawa at anak na babae matapos masawi sa road mishap  sa pakurbadang highway sa Barangay Maligaya sa bayan ng Mariveles, Bataan kamakalawa ng gabi. Idineklarang patay sa Maheseco Hospital ang mag-asawang Rio Rosete, 41; Josie Cabrera Rosete, 22, at anak na si Sarah Lee Rosete. Sa ulat ni SPO4 Sammy Caballero, minamaneho ni Rio ang pampasaherong jeepney (CVW534) lulan ang kanyang mag-ina nang mawalan ng preno pagsapit sa kurbadang kalsada. Nagpagiwang-giwang ang jeepney hanggang sa mawalan ito ng kontrol kaya sumalpok sa punungkahoy.