Pulis itinumba sa sayawan

MANILA, Philippines - Nagsilbing huling indak sa saliw ng El Bimbo ng 31-anyos na bagitong pulis matapos itong pagbabarilin ng ‘di-kilalang lalaki sa sa­yawan sa Barangay Sinab­saban sa bayan ng Cuartero, Capiz kamakalawa ng gabi. Idineklarang patay sa Bailan District Hospital ang biktimang si PO1 Arnel Dellava, nakatalaga sa himpilan ng pulisya sa bayan ng Tapaz. Lumilitaw na masa­yang nagsasayaw ang biktima  nang biglang lapitan at paputukan ng shotgun ng suspek na si Edmundo Denosta, 55. Nagkagulo sa sayawan kung saan sinamantala naman ng suspek na tumakas.