Holdap: P.3M nalimas sa banko

GUIGUINTO, Bulacan, Philippines – Aabot sa P.3 milyon ang nalimas sa banko ng mga ‘di-pa kilalang kalalakihan sa naganap na holdapan kahapon ng tanghali sa bisinidad ng Barangay Poblacion sa bayan ng Guiguinto, Bulacan. Base sa ulat ni P/Supt. Miguel Atienza, pinasok ng mg armadong kala­lakihan ang Ligas Kooperatiba ng Bayan sa Pagpapaulad kung saan nagdeklara ng holdap. Wala naman nagawa ang nag-isang sekyu na si Bernardo Casimiro at ang bank teller na si Rexon Jon Chua matapos tutukan ng baril. Lumilitaw na nagpanggap na magdedeposito ng malaking halaga ang dalawang ‘di-pa kilalang lalaki nang magdeklara ng holdap kung saan itinaon na nananghalian ang mga kawani ng nabanggit na banko. Nabatid na walang CCTV camera ang banko.