Doktor naipit sa trak, dedo

BATAAN, Philippines  – Kamatayan ang sumalubong sa isang 69-anyos na doctor makaraang sumalpok at pumailalim ang kanyang sasakyang Pajero sa nakaparadang delivery truck sa Roman Super Highway ng Abucay sa Barangay Tuyo, Balanga City, Bataan kamakalawa ng gabi. Idineklarang patay sa Bataan General Hospital si Dr. Jerry Pizarro ng 5 London Street, Express Village, Cainta, Rizal. Sa ulat na nakarating kay P/Senior Supt. Arnold Gunnacao, lumilitaw na patungong katimu­gan ang biktimang lulan ng Pajero (XDE 154) nang bumangga sa likurang bahagi ng cargo truck (WNV 483) ni Reman Monte ng Bocaue, Bulacan.