Bagets na carnapper timbog
BOCAUE, Bulacan, Philippines — Arestado ang isang 14-anyos na lalaki matapos itong habulin ng mga awtoridad makaraang karnapin nito ang isang motorsiklo kahapon ng madaling-araw sa barangay Wakas ng bayang ito.
Kaagad na ipinasa ni Supt. Ronald De Jesus sa pamamahala ng DSWD ang naarestong bagets na residente ng Brgy. Malis, Guiguinto habang nakatakas naman ang kasamahan nito na isa ding menor-de-edad din.
Ang bagets ang itinuturong kumarnap sa motorsiklo na pag-aari ng biktimang si Ronaldo Zapra 35, ng Barangay Sulucan, Bocaue.
Nagsumbong ang biktima sa pulisya na nagsasagawa ng checkpoint bandang alas-3:10 ng madaling-araw dahil nakarnap ang kanyang motorsiklo haggang sa matiyempuhan ang suspek na minamaneho ang ninakaw na motorsiklo hanggang sa habulin ito ng pulisya at makorner.
Nahulihan din ang suspek na bagets ng isang airsoft gun na bawal ring dalhin dahil sa umiiral na gun ban.
- Latest
- Trending
