Domestic flight sa Zambales sinimulan

IBA, Zambales, Philippines — Sa ka­una-unahang pag­ka­ka­taon ay lumapag kamakalawa ang eroplano ng South Phoe­nix Airlines sa Iba airport, Zam­­bales bilang pag­sisi­mula ng domestic flight.

Bandang alas-2:30 ng hapon nang mag-landing ang 10-seater Queen Air 65 mula Maynila sakay ang walong pasahero at da­lawang piloto na pina­ngunahan ni Capt Ramon Torres.

“Welcome to the province,” pagbati ni Governor Amor Deloso kasama ang mga opisyal ng lokal na pa­mahalaan at opisyales ng Southwest Airlines na su­mak­si sa maiden flight.

“Kapag ganap nang nag­­si­ mula ang ruta, ay tat­long beses kada araw o kaya tat­long araw kada linggo ang biyahe ng domestic flight sa bayan ng Iba patu­ngong Ma­nila Domestic Airport,” pa­li­wanag ni Capt. Torres.

Gayon pa man, sinabi ni Torres na kailangan munang ayusin ang paliparan sa na­ banggit na bayan kung saan pahahabain ang runway nito hanggang 1,200 metro mula sa dating 800 metro.

Kailangan din patayuan ng control tower upang higit na maging ligtas ang domestic flight kung saan sinabi ni Gov. Deloso na tiyak na sisigla ng turismo sa Zam­bales. Randy Datu