4 karnaper arestado

BULACAN, Philippines – Apat na kalalakihan na pinaniniwa­laang sangkot sa serye ng nakawan ng motorsiklo ang bumagsak sa kamay ng pulisya sa isinagawang magkahiwalay na ope­ras­yon kahapon sa bayan ng Baliwag, Bulacan.

Pormal na kakasuhan ang mga suspek na sina Jeffrey Valerio, 21, ng Brgy. Sampaloc, San Rafael; Erwin Teves, 18; Niño Ma­tic, 28, kapwa naninirahan sa Brgy. Sabang, Baliwag, Bulacan; at si Alexander Odicta, 25, ng Brgy. Tam­bubong, San Rafael, Bula­can.

Naunang inaresto sina Valerio at Teves na mag­kaangkas sa nakaw na mo­torsiklo (RQ 7366) sa iti­nayong PNP checkpoint sa Barangay Tibag sa ba­yan ng Baliwag.

Sa follow-up operation, nasakote naman sina Matic at Odicta kung saan na­kumpiskahan ng dalawang karnap na motorsiklo na pa­rehong plaka na RQ 7366.

Ayon sa ulat, habang inimbestigahan ang mga suspek sa himpilan ng pu­lisya ay dumating ang ama ni Alexander Odicta na sinasabing aareglo sa kaso subalit inaresto din ito dahil sa pagdadala ng baril na walang kaukulang papeles. (Boy Cruz at Dino Balabo)