2 NPA rebs nasakote

OLONGAPO CITY – Dalawang katutubo na pinaniniwalaang kasapi ng rebeldeng New People’s Army (NPA) ang dinakip ng mga awtoridad sa isinagawang operasyon sa Sitio Bangka-Bangka, Barangay Gordon Heights sa nasabing lungsod kahapon ng umaga. Kasalukuyang isinasailalim sa tactical interrogation ang mga suspek na sina: Frankie Bugay, 40 at Joel Diman-diman, 36, na kapwa tumatayong courier ng mga rebelde sa Olongapo at Zambales.

Dalawang malalakas na kalibre ng baril at iba’t ibang uri ng bala ang nakumpiska mula sa dalawang rebelde matapos na salakayin ang pinakukutaan sa nabanggit na barangay dakong alas-6:30 ng umaga. (Ulat ni Jeff Tombado)