Sangkot sa droga, niratrat ng tandem

CAVITE, Philippines — Inoobserbahan sa pagamutan ang isang lalaking diumano’y sangkot sa mga illegal na droga matapos na pagbabarilin ng 2 armadong suspek sakay ng isang motorsiklo, kamakalawa ng gabi sa Brgy San Nicolas 3 Extension, Bacoor City.

Kinilala ng pulisya ang biktima sa alyas “Jim”, nasa hustong gulang, residente ng nasabing lugar.

Nakatakas naman ang mga suspek sakay ng isang motorsiklo na sina alyas “Pogi” at “Batan”, kapwa residente din ng lugar habang nagsilbing lookout ang isang alyas “Adoy”.

Sa imbestigasyon ng pulisya, alas-8:50 ng gabi, naglalakad ang biktima sa street sa kanilang lugar nang dumating ang isang motorsiklo sakay ang magkaangkas na suspek. Agad nilang dinikitan ang biktima at pinagbabaril bago tumakas.

Sa pagsisiyasat ng pulisya, ang biktima ay sangkot umano sa mga illegal drug activities sa lugar kung kaya ito ang posibleng motibo sa naganap na pamamaril.

Patuloy ang manhunt operation ng pulisya laban sa mga suspek.