2 todas sa hit-and-run

LIGAO CITY, Albay – Maagang kinalawit ni Kamatayan ang dalawang lalaking naka-motorsiklo makaraang mabiktima ng hit-and-run sa krus na kalsadang sakop ng Barangay Tuburan sa lungsod na ito kamakalawa ng gabi.

Duguang tumilapon ang dalawang biktimang sina Sonny Perdigones at Alberto Borgota na kapwa residente ng Barangay Bonga, Ligao City, Albay.

Samantala, ang hindi pa nabatid na sasakyang patungo sa Maynila ay mabilis na humarurot matapos na banggain ang motorsiklo (EX-9154) ng mga biktima.

Ayon sa pulisya, walang lumutang na saksi sa pangyayari dahil sa madilim na bahagi ang kinaganapan ng aksidente. (Ulat ni Ed Casulla)