7-katao tiklo sa droga

CAMP ELPIDIO QUIRINO – Pito-katao ang iniulat na dinakip ng pulisya sa isinagawang drug bust sa Barangay San Narvacan, Narvacan, Ilocos Sur kamakalawa.

Kinilala ng pulisya ang mga suspek na sina Mario Nera, Loreto Cabunoc, Joseph Ancheta, Arnold dela Cuadra, Eduardo Sosa, Ilomenado Casio at Willie Cabotaje na pawang residente ng Barangay Dinalaoan at Paratong, Narvacan.

Ayon kay P/Sr. Supt. Mario B. Subagan, police director ng Ilocos Sur, ang pagkakaaresto sa pito ay bunsod ng ipinalabas na search warrant ni Santiago Municipal Trial Court Judge Alpino Florendo. (Ulat ni Myds Supnad)