2 bangkay ng babae isinilid sa plastic bag

DASMARIÑAS, Cavite – Dalawang bangkay ng babae na pinaniniwalaang pinahirapan muna saka pinatay bago isinilid sa plastic bag ang natagpuan sa basurahan sa gate ng Technological University of the Philippines sa Brgy. Salawag sa bayang ito kahapon ng umaga.

Kasalukuyan pang nangangalap ng impormasyon ang pulisya sa pagkakakilanlan ng mga biktima na posibleng pinatay sa ibang lugar bago itinapon sa nabanggit na brgy. upang lituhin ang mga imbestigador.

Sa inisyal na pagsisiyasat ni SPO1 Carlito Gener, ang isa ay mahaba ang buhok, may taas na 5’2, nakasuot ng kulay biege na short pants at puting t-shirt, samantala, ang isa naman ay maikli ang buhok, mataba, may taas na 5’2 at tinatayang aabot sa edad na 34 hanggang 40-anyos. (Ulat ni Cristina Go-Timbang)