Sim Card Registration Bill pipirmahan ni Bongbong Marcos sa Lunes

MANILA, Philippines — Lalagdaan na ni Pangulong Ferdinand Marcos Jr. sa Palasyo ng Malacañang sa Lunes upang ganap na maisabatas ang SIM (subscriber identity mo­dule) Card Registration Bill na naipasa sa Mababa at Mataas na Kapulungan ng Kongreso.

Nauna rito inihayag ni Executive Secretary Luis Bersamin kamakailan na malaki ang tsansa na  lagdaan ng Punong Ehekutibo ang nasabing panukalang batas.

Layunin ng panukalang SIM Card Registration bill na hindi na magamit sa krimen ang mga hindi rehistradong sim cards at masawata ang pagpapadala ng mga spam messages sa mga subscribers at mga panloloko sa pamamagitan ng cellular phone.

Sa sandaling ma­lagdaan ng Pangulo ang naipasang bill sa Kongreso, magiging madali na ang pagtukoy sa mga masasamang loob na nasa likod ng mg text scams at online messaging dahil obligado na ang lahat na irehistro ang kanilang SIM cards sa mga mobile networks.