4th yr coed ni-rape slay
MANILA, Philippines — Isang 4th year college student sa De La University-Lipa ang sinasabing hinalay muna bago pinatay sa loob ng kanyang dormitoryo sa lungsod ng Lipa sa lalawigan ng Batangas nitong Biyernes ng hapon.
Ang biktima ay kinilalang si Fidex Therese Maranan, nanunuluyan sa dormitory sa Lourdes St., Miracle Heights Subdivision sa Brgy. Antipolo del Norte ng lungsod.
Sa ulat ng Batangas Police Provincial Office, ang bangkay ng dalaga ay nadiskubre dakong alas-3:30 ng hapon.
Ang biktima ay duguang nakabalot ng kumot ang hubo’t hubad na katawan na tinabunan ng kumot sa ibaba ng kama sa kuwarto nito sa kaniyang dormitoryo sa lugar.
Nabatid na nagtamo ang biktima ng matinding pukpok sa ulo mula sa isang matigas na bagay maliban pa sa tinamo nitong saksak sa kanyang leeg.
Nadiskubre lamang ang krimen matapos na bumisita sa dormitory ng dalaga ang kanyang pinsan na si Romulo Maranan na nagulantang sa pagkakadiskubre sa krimen.
Sa inisyal na awtopsya na isinagawa sa biktima ay nabatid ang malaking posibilidad na hinalay muna ito bago pinaslang.
- Latest