Versoza, 7 pa kinasuhan ng graft

MANILA, Philippines - Dahil sa umano’y maa­nomalyang pagbili ng de­pektibong rubber boats noong 2008 ay pinakakasuhan na ni Ombudsman Conchita Car­pio Morales ng graft  sina retired PNP Chief Je­sus Verzosa at pitong iba pang opisyal ng PNP.

Bukod kay Versoza  ay kasama sa inasunto sina P/DDG Jefferson Soriano; P/D Luizo Ticman; P/D Ro­nald Roderos; P/D Romeo Hilomen;P/CSupt. Herold Ubalde;P/DDG Benjamin Belarmino, Jr., at  P/CSupt. Villamor Bumanglag  matapos makakita ng probable cause para maidiin sa kasong paglabag sa Sec. 3 (e) ng Republic Act No. 3019 (Anti-Graft and Corrupt Practices Act) ang mga aku­sado.

Sinasabi ng mai-deliver na ang naturang mga rubber boats ay nadiskubre ng PNP Maritime Group-Technical Inspection Committee on Watercrafts (MG-TICW)  na depektibo ang mga ito at hindi maaa­ring magamit para sa disaster efforts ng PNP.