Nakabalik ang Gilas dinurog ang Hong Kong
Laro Ngayon
4:45 p.m. – Philippines
vs Kuwait
CHANGSHA – Hindi naitago ng Nationals ang kanilang galit nang masilat ng seven-man Palestinian team noong Miyerkules.
Inilampaso ng Gilas Pilipinas ang Hong Kong, 101-50, sa Day Two ng 2015 FIBA Asia Championship kahapon dito sa Changsha Social Work College Gymnasium.
Sumulong ang Nationals sa 1-1 panalo-talo sa Group B.
Nauna nang binigo ng Hong Kong ang Kuwait, 87-50 sa Day One ng Asian qualifier para sa 2016 Rio de Janeiro Olympics.
“Lots of good things come from effort. Lots of bad things come from lack of effort. There was a good effort today, and the result speaks for themselves,” sabi ni coach Tab Baldwin.
“I don’t think we did enough (sa laro noong Miyerkules). We don’t redeem ourselves until we wipe every bit of doubt on everybody’s mind on who we are as a national team,” dagdag pa nito.
Tumipa si guard Jayson Castro ng 5-of-6 shooting sa three-point line at tumapos na may game-high na 21 points.
“We only did two things different from Wednesday. We just hit shots and had some rebounds. We hit our shots. We played with much more heart and that’s why we got the easy win,” sabi ni naturalized player Andray Blatche, humakot ng 17 points, 8 rebounds, 2 steals, 1 assist at 1 block sa loob ng 18 minuto sa sahig.
Sina gunners Dondon Hontiveros at Terrence Romeo ay may pinagsamang siyam na triples para sa kanilang 25 points at nag-ambag si Ranidel de Ocampo ng 10 markers at 8 rebounds.
Sasagupain ng Gilas ang Kuwait ngayong alas-4:45 ng hapon para palakasin ang kanilang tsansa sa knockout stage sa Oktubre 1.
“We knew Hong Kong is on us. They started man-to-man and didn’t last long. I think teams will have trouble manning us. But today we proved that we can be dangerous against the zone us well,” sabi ni Baldwin.
Kumonekta ang Nationals ng 14-of-34 shooting sa three-point line at dumaklot ng 62 rebounds kumpara sa 38 ng Hong Kong.
“We still need to be a little more crisp in our attack against the zone. But ball movement will get better and we’ll get better against the zone so I suspect as we move forward, teams will think twice before they zone us,” dagdag ni Baldwin.
Philippines 101 – Castro 21, Blatche 17, Hontiveros 14, Romeo 11, De Ocampo 10, Abueva 8, Ganue-las 7, Intal 5, Thoss 4, Taulava 2, Pingris 2, Norwood 0.
Hong Kong 50 – Chan 13, Reid 11, Wong 7, Xu 6, Au-Yeung 5, Lin 5, Cheng 2, Leung 1, So 0, Lau 0, Szeto 0, Lee 0.
Quarterscores: 28-15, 51-22, 83-38, 101-50.
- Latest
