Bobcats hinahanapan ng trade si Henderson

MANILA, Philippines - Matapos mabalam ang negosasyon kay restricted free-agent guard Gerald Henderson, nakikipag-usap ang Charlotte Bobcats sa posibilidad ng sign-and-trade sa iba’t ibang teams, ayon sa mga sources ng Yahoo! Sports.

Hindi magkasundo ang Bobcats at si Henderson sa negosasyon sa contract extension kaya napunta na ang usapan sa sign-and-trade scenario, sabi ng isang source.

Ang iba pang mga kaganapan ay :

---Ginamit ni head coach Mark Jackson ang team option sa kanyang kontrata para sa  2014-15 season.

--- Ini-waive ng Chicago Bulls si veteran guard Richard Hamilton, tulad ng inaasahan.

---Nakipagkasundo ang Minnesota kay Nuggets free-agent guard Corey Brewer sa three-year, $15 million contract, ayon sa source ng Yahoo! Sports. Ngunit kailangan pang ayusin ng Timberwolves, ang kinakaila-ngang espasyo sa salary-cap para makuha si Brewer.