Kim pilion ni Sisi
CEBU, Philippines — Tsika pa sa MVP sa UAAP (University Athletic Association of the Philippines) Season 81 women’s volleyball tournament nga si Cherry Ann “Sisi” Rondina nga kun mahatagan og tsansa nga i-feature sa Maalaala Mo Kaya ang istorya sa iyang kinabuhi, gusto niya nga si Kim Chiu ang modala.
Suma pa ni Sisi nga susama sila nga Cebuana ni Kim busa haom kaayo kini sa iyang karakter.
Matud pa ni Sisi nga ang volleyball , dili lang basta sports, apan nagsilbi kini nga iyang kinabuhi.
LDR dili lalim
Gibutyag ni Glaiza de Castro nga lisod gyud kaayo makabaton og usa ka long-distance relationship.
Nasayran nga kapin na sa usa ka tuig ang relasyon ni Glaiza ngadto kang David Rainey nga nagbase sa laing nasud.
Panagsa ra gyud makabisita ang iyang uyab dinhi sa nasud gumikan sa ka-busy niini.
Rihanna, labing dato nga female musician
Matud pa sa Forbes , ang “Take A Bow” singer nga si Rihanna maoy world’s richest female musician.
Niabot na ngadto sa $600 million ang iyang kinitaan. Nalabwan ni Rihanna sila si Madonna ($570 million), Celine Dion ($450 million) ug Beyonce ($400 million).
Una na nga nigawas ang balita nga ang bana ni Rihanna nga si Jay-Z maoy labing una nga billionaire rap star.
Gawas sa pagkanta, busy usab ang singer sa nagbaha niya nga endorsements hinungdan nga nisaka og maayo ang iyang income.
Sa nangagi nga interview , gibutyag ni Rihanna nga dili gyud isyu kaniya ang kuwarta, ang labing importante nga nalingaw siya sa iyang gipangbuhat.
Nag-abot ang mga rayna
Nagkaabot sa usa ka event sila si Miss Universe 2015 Pia Wurtzbach ug Miss Universe 2018 Catriona Gray. Trending sa social media ang ilang hulagway kun diin nagtupad silang duha.
Nasayran nga talagsa ra gyud nga magkaabot ang duha gumikan sa ka-busy sa tagsa-tagsa nila nga mga career.
Aktibo si Catriona sa mga kalihokan sa Miss Universe Organization ilabi na sa iyang adbokasiya alang sa kabataan.
Park Bo Gum mobisita sa nasud
Nagmaya og maayo ang Pinoy fans sa Korean superstar nga si Park Bo Gum gumikan kay madayon na gyud ang ilang idolo sa gikatakdang pagbisita niini dinhi sa Pilipinas.
Matud pa nga mahitabo kini karong June 22 sa Mall of Asia Arena.
Kahinumdoman nga nangayo og pasaylo si Park Bo kaniadto human wala nadayon ang iyang show dinhi sa Pilipinas niadtong April 22 gumikan kay giigo og linog ang kaulohan.
Armand makauban ni Heart
Nahibalik na sa nasud ang aktres nga si Heart Evangelista human sa pipila ka adlaw nga shooting didto sa China alang sa umaabot niya nga international film .
Dunay post si Heart kun diin katupad niya ang sikat nga Holywood actor nga si Armand Assante.
“What an honor it is to work alongside such talented people like @armandassante.official ! Let’s do this!,” suma pa sa IG post sa aktres.
Wala pa mohatag og lapad nga detalye si Heart kalabot sa maong proyekto.
- Latest