Isyung paglalaslas daw ng pulso ni Diego, walang nagsasalita

MANILA, Philippines — Walang gustong magsalita sa balitang diumano’y naglaslas ng pulso ang Kapamil­ya young actor na si Diego Loyzaga nung isang gabi.

May embargo diumano ang mga balita tungkol sa ginawang pagtatangka ng actor na kitilin ang buhay sa pamamagitan daw ng swiss knife.

Diumano ayon sa umikot na usapan, dinala ito sa isang private hospital sa QC pero wala ngang nagkukumpirma.

Si Theresa Loyzaga raw ay naka-off ang telepone kaya wala ring makuha sa kanya ang ilang kakilala nitong reporter. Wala namang naririnig maging sa kampo ng ama nitong si Cesar Montano.

Huling nakausap ng mga reporter si Diego sa press launching ng afternoon series nilang Bastardo na isa siya sa mga bida.