Teresa Morales, may pakontes sa Love Radio 98.3 Dagupan

Si Teresa Morales, ang nag-revive at nagpasikat muli ng kanta ni Freddie Aguilar na "Kumusta Ka Aking Mahal" ay may pakontes na inilunsad ng Love Radio 98.3 sa Dagupan City kamakailan.

Ang concert ay kaugnay ng bagong single na release niyang kanta na ang pamagat ay "Ang Boyfriend Kong Alien" na isang komposisyon ng kilalang si Nonoy Tan. Hango ang kantang ito sa self titled album niya kung saan naroon ang kantang "Kumusta Ka Aking Mahal" na nag-hit late last year.

Pinahuhulaan lang kung sino ang kumanta ng kantang pinahuhulaan din ang pamagat gayundin ang titulo ng album ni Teresa Morales na ipinamamahagi naman ng Ivory Records.

Magra-raffle sa radio station ngayong June 1, 2002. Ang unang gantimpala ay magkakamit ng P3,000, ang pangalawa ay P2,000 at ang pangatlo ay P1,000. Magkakaroon ng mga gift items ang mga consolation prizes.

Ipadala ang inyong mga entries sa "Teresa Morales Song Contest," c/o Love Radio 98.3 Carred Bldg. M.H. del Pilar Street, Dagupan City.