2 magkaanak kinatay
TUGUEGARAO CITY, Cagayan, Philippines —Dalawang magkaanak ang natagpuang kinatay habang agaw buhay na isinugod sa pagamutan ang isa pa matapos silang pagtatagain ng hindi pa matukoy na salarin sa loob ng kanilang kubo sa Brgy. Besalan, Sta. Cruz, Ilocos Sur kamakalawa.
Ayon sa Pulisya, pinaniniwalaang himbing sa kanilang pagtulog sa kani-kanilang duyan sina Loreto Carbonel 46; Johnwin Carbonel, 13; at Jerome Domingo, 29, nang pagtatagain ng suspek bago nadiskubreng duguan ng isa pang kaanak na si Leo Carbonel, dakong alas-6:30 ng umaga.
Kapwa patay na ang nakatatandang Carbonel at si Domingo habang may pulso pa si Johnwin na isinugod sa Ilocos Training Center and Medical Center sa San Fernando, La Union, dagdag ng report.
Tinitingnang anggulo ng mga imbestigador ang personal na alitan bilang motibo sa krimen.
- Latest