Pastora ni-rape ng pinsan
NUEVA VIZCAYA, Philippines – Masaklap na kapalaran ang sinapit ng 41-anyos na pastora ng isang sekta ng relihiyon matapos itong gahasain ng sariling pinsan sa kanyang bahay sa Barangay Poblacion, bayan ng Ambaguio, Nueva Vizcaya. Pormal na kinasuhan ng pulisya ang suspek na si Reagan Tomas, 29, habang ang biktima naman na Pastora ay itinago sa pangalang Ligaya, kapwa nakatira sa Sitio Letleteng sa nabanggit na bayan. Base sa police report, lumitaw na kumatok sa bahay ng biktima ang suspek mula sa pagtitipon kung saan malugod naman na pinatuloy. Subalit dito na ikinulong at pinagsamantalahan ng suspek ang kanyang pinsan. Nakatiyempo naman ang biktima na makatakas at nagsuplong sa kinauukulan kaya naaresto ng pulisya ang suspek na pinaniniwalaang sinapian ng espiritu ng rapist.
- Latest