SEA Games medalists pararangalan ni Duterte
MANILA, Philippines — Bilang pagpupugay sa kabayanihan at karangalan na ibinigay sa Pilipinas sa katatapos na 31st Southeast Asian Games sa Hanoi, Vietnam, ay pararangalan ni president Rodrigo Duterte ang lahat ng mga medalists sa magaganap na courtesy call sa Malacañang sa Martes.
Ipinahayag ng Philippine Sports Commission ang magandang balita sa mga National Sports Associations noong Huwebes.
Ayon kay PSC chief William ‘Butch’ Ramirez, ang mga dadalo sa alas-6 ng gabing seremonyas ay ang mga sumungkit ng 52 ginto 70 pilak at 105 tanso medalya, coaches at isang opisyales ng bawat NSAs.
At kung susuwertihin, may posibilidad na maibigay na rin sa mismong araw ang kanilang insentibo na may kabuuang P32.4M.
Base sa nakasaad sa batas ang SEA Games gold ay nagkakahalaga ng P300,000 habang tig-P150,000 at P60,000 sa silver at bronze ayon sa pagkakasunod.
Maaari pang madagdagan sakaling mag-abot ng bonus ang Chief Executive.
Naibigay na kay senator Bong Go ang lahat ng pangalan ng mga nakasungkit ng medalya.
Tumapos ng fourth overall ang Pilipinas sa nasabing biennial meet.
Noong 2019, nag-overall champion ang Pilipinas sa SEA Games na ginanap sa bansa kung saan humakot ang Pinoy athletes ng 149 gold medals.
- Latest
