Carter, Billups ibayaw sa Hall of Fame
CEBU, Philippines — Ang duha ka kanhi NBA stars nga sila si Vince Carter sa Toronto Raptors ug Chauncey Billups sa Detroit Pistons naglangkob sa 13 ka mga personalidad nga gitakdang ibayaw sa Naismith Basketball Hall of Fame karong Agosto.
Walo ka higayon nahimong All-Star, si Carter mikulit og rekord sa 22 ka seasons niyang pagduwa sa NBA uban sa Raptors, New Jersey Nets, Dallas Mavericks, Memphis Grizzlies, Atlanta Hawks, Orlando Magic, Sacramento Kings, ug Phoenix Suns. Miretiro siya niadtong 2020.
Si Billups, ang kasamtangang coach sa Portland Trail Blazers, lima ka higayon nga namiyembro sa All-Star.
Siya maoy gipasidunggan nga Finals MVP niadtong 2004 human gipangulohan ang Pistons ngadto sa kampiyonato.
Gawas nilang Carter ug Billups, pasidunggan sab og balik si Los Angeles Lakers icon Jerry West ug ang mga players nga sila si Seimone Augustus, Michael Cooper, Walter Davis, Dick Barnett ug Michele Timms. Ilang makauban ang mga coach nga sila si Charles Smith, Harley Redin ug Bo Ryan, ang broadcaster nga si Doug Collins ug ang tag-iya sa Indiana Pacers nga si Herb Simon.
"Without a shadow of doubt, the accomplishments of the 2024 class stand as a testament to unparalleled excellence," matud pa ni Hall of Fame president John Doleva.
- Latest
