Panukalang 10-taong kulong sa 'red-taggers' pinapapaspasan kay Duterte
MANILA, Philippines — Hinihimok ngayon ng isang senador si Pangulong Rodrigo Duterte na manawagan na sa Konggreso nang mapabilis ang pagsasabatas ng panukalang magpaparusa sa mga bara-barang nag-uugnay sa mga tao sa Communist Party of the Philippines (CPP), New People's Army (NPA) at National Democratic Front of the Philippines (NDFP).
Martes lang nang iendorso ni Justice Secretary Menardo Guevarra ang pagpapasa ng batas na direktang magbibigay pakahulugan at magpaparusa sa "red-tagging" lalo na't marami silang natatanggap na reklamo rito.
Sa kasalukuyan, tanging "defamation, harassment, coercion, unjust vexation" at paglabag sa privacy laws lang ang meron. Ang lahat ng ito, hindi raw masaklaw nang maayos ang peligrong dala ng red-tagging.
"With the opinion of the Secretary of Justice, we urge President Duterte to certify as urgent the passage of Senate Bill 2121 which we filed to punish red-tagging by state agents," ani Sen. Franklin Drilon, Miyerkules.
"The opinion of the Secretary of Justice that there is a gap in the law as red tagging is presently not a criminal offense under our laws, makes the passage of SB 2121 which we filed imperative. We laud the stand of Secretary Guevarra for pushing for the enactment of a red tagging law."
Sa ilalim ng panukala, na inihain mismo ni Drilon, pwedeng makulong ng hanggang 10 taon ang taong mapatutunayang nagre-redtag. Bukod pa 'yan sa habambuhay na diskwalipikasyon sa paghawak ng anumang posisyon sa public office.
Red-tagging: Mula kay Duterte hanggang NTF-ELCAC
Hinahamon ngayon ni Drilon si Duterte gayong ilang beses na niyang tinatawag na "komunista" at "prente ng mga komunista" ang mga ligal na aktibista at mga oposisyon.
Kamakailan lang nang pagtatawaging tulay ng recruitment ng CPP-NPA-NDFP ng National Task Force to End Local Community Conflict (NTF-ELCAC) ang ilang "community pantries" na namimigay ng libreng pagkain sa gitna ng gutom at COVID-19 lockdowns.
Iniugnay din ni NTF-ELCAC spokesperson Lorraine Badoy ang organizer nito sa NDFP-affliated na Artista at Manunulat ng Sambayanan (ARMAS), kahit walang inilalabas na ebidensya.
Bedtime chika AP Non has raised half a million pesos in just a few days and she has 26 more days to ask you to part...
Posted by Lorraine Marie T. Badoy on Wednesday, April 21, 2021
Ilang artista na rin gaya nina Angel Locsin at kanyang pamilya ang iniugnay ni NTF-ELCAC spokesperson Antonio Parlade sa CPP-NPA, kahit wala ring ebidensya.
Makailang ulit na ring nahuhuli sa akto ang ilang departamento ng Philippine National Police (PNP) na nagbabahagi ng red-tagging content.
LOOK: As progressive lawmakers at the Senate warn the police and military of the violence that red-tagging can bring, PNP channels continue to share content from the NTF-ELCAC red-tagging activists, students and registered party-lists. @PhilstarNews pic.twitter.com/Kd7mBYdA6v
— Franco Luna (@francoIuna) November 24, 2020
Epekto sa biktima
Maliban sa mga harassments, ilang aktibista at kritiko na ng gobyerno ang namamatay matapos i-red-tag at iugnay sa CPP-NPA-NDFP.
Ilan lang sa mahabang listahan ng mga biktima ng extrajudicial killing matapos ang red-tagging ang Anakpawis national chairperson na si Randall Echanis, human rights worker na si Zara Alvarez, doktor na si Rose Sancelan at abogadong si Anthony Trinidad.
"Red-tagging threatens the life, liberty and security of a person. As I said before, being red-tagged sometimes serves as a death warrant," patuloy ni Drilon.
"Victims are left without proper recourse against their perpetrators and are forced to file seemingly-appropriate-but-not-quite cases, like libel and grave threats."
- Latest
