'Mañanita' protests vs anti-terror bill tuloy sa kabila ng banta ng PNP
MANILA, Philippines — Hindi nagpatinag sa banta ng Philippine National Police at Malacañang ang mga raliyista sa University of the Philippines - Diliman at iba pang bahagi ng Pilipinas kontra anti-terrorism bill kasabay ng ika-22 "Araw ng Kalayaan," Biyernes.
Kahapon lang nang sabihin ni PNP spokesperson Brig. Gen. Bernard Banac na idi-"disperse" ang mga protesta lalo na't banta raw ito sa kalusugan sa gitna ng COVID-19 pandemic.
Ganap na 9:00 a.m., nagtipon-tipon sa University Ave. ang mga grupo't indibidwal tutol sa panukala, bagay na hindi lang daw terorista ang target ngunit pati ang mga tutol sa administrasyon.
Basahin: ‘Anti-terror’ bill defines terrorism vaguely but has clear and specific dangers
NOW: Naghahanda na sa pagsisimula ng Grand Mañanita ang iba't-ibang progresibong sektor at grupo upang gunitain ang ika-122 araw ng kalayaan sa University Avenue sa UP Diliman.#JunkTerrorBill#KalayaanIpaglaban#ResistAsOne pic.twitter.com/Kema6nakWK
— The Catalyst #FreeFrenchieMaeCumpio (@PUPTheCatalyst) June 12, 2020
Ilan sa mga kontrobersyal na probisyon nito ay ang kapangyarihan ng gobyerno na magkulong nang 14-24 araw kahit walang warrant of arrest, kalayaan ng Anti-Terrorism Council na magbansag ng terorista sa kahit na sinong indibidwal at grupo kahit hindi pa dumadaan sa korte atbp.
"At present, a number of youth and students are already being ruthlessly targeted and vilified for exercising their right to protest abuses, incompetence, and unequal application of the law," wika ni Kabataan party-list Rep. Sarah Elago sa isang pahayag.
"Ito po ang nagtulak para sa mga kabataaan, mga iskolar ng bayan at mga estudyante upang magpanday ng mga pahayag, ng pagkakaisa at sumama sa mga pagkilos ngayon sa kabila ng pandemya."
Mistula birthday celebration ang theme ng protesta bilang pakutya na rin sa "mañanita" ni NCRPO director Debold Sinas, na hindi pinarusahan kahit lumabag sa direktiba ng gobyerno laban sa mga "mass gatherings."
May kaugnayan: 'Mahiya kayo': Pagdepensa ng PNP sa ECQ bday bash ng NCRPO chief kinastigo
At tulad ng mga karaniwang birthday, may lobo, cake at pa-videoke sa rally. Hinango ang disenyo ng cake sa "Voltes V" cake ni Sinas.
We got to fight, for our right to partyyyy (rally)!
— SAKA (@PilipinasSaka) June 11, 2020
Mañanita preps ongoing and we’re so excited to see you all marching with us! #JunkTerrorBill #BawiinAngKalayaan pic.twitter.com/GFNiYXnBcz
Start na ang #mañanita! Kumpleto may videoke pa! #BawiinAngKalayaan #JunkTerrorBill pic.twitter.com/dcA09Qph5e
— Teddy Casiño (@teddycasino) June 12, 2020
Bagama't marami, may suot na face masks at sumunod sa physical distancing ang mga militante, lalo na't nariyan pa rin ang banta ng coreonavirus disease (COVID-19).
LOOK: Independence day protest WITH SOCIAL DISTANCING at UP Diliman!#JunkTerrorBill #GrandMananita pic.twitter.com/rCtiMhGQr7
— Iñigo Abellar #JunkTerrorBill (@InigoAbellar) June 12, 2020
"Makasaysayan po ang araw na ito. Sa harap ng bagyo, pandemya at pananakot, nanindigan tayo para sa kalayaan at karapatan. Gumuhit na tayo ng linya sa buhangin, na hindi tayo papayag na babalik muli ang bansa sa diktadura," sabi naman ni Renato Reyes Jr., secretary general ng Bagong Alyansang Makabayan.
"Hindi tayo papayag na ipasa ang isang batas na lansakang lalabag sa ating mga karapatan, at magbabago ng buhay ng mga Pilipino tunga sa mas malala."
Isyu ng ligalidad
Natuloy pa rin ang pagkilos kahit na nagtayo ng mga checkpoint ang PNP malapit sa unibersidad, ilang oras magsimula ang pagtitipon — bagay na kinundena lalo na't "Araw ng Kalayaan."
"As per instruction of our [Interior Secretary] Eduardo Año, protesters will be dispersed and advised to return home," sabi ni Police Lt. Gen. Guillermo Eleazar, na namumuno sa quarantine enforcement arm ng Inter-Agency Task Force on Emerging Infectious Diseases (IATF-EID).
Wika naman ni presidential spokesperson Harry Roque, hanggang 10 tao lang ang papayagang mag-protesta.
Ayon naman kay Justice Secretary Menardo Guevarra, pansamantalang "banned" pa ang mga protesta at mass gatherings bilang pag-iingat para rin laban sa nakamamatay na virus.
"Solely for public health reasons and nothing else, mass gatherings including protest rallies, are temporarily banned to avoid direct transmission of the COVID-19 virus," ani Guevarra.
"Violations may give rise to penal sanctions under existing public health laws. As [Interior Secretary Eduardo Año] said, there are safer ways to express one’s protest during this period of public health emergency."
Kamakailan lang nang arestuhin ang pitong raliyista at isang bystander sa UP Cebu, matapos din maglunsad ng anti-terror bill protest. Ganyan din ang nangyari sa PISTON 6, na inaresto nang ibusina ang panawagan nilang makabalik-pasada.
Basahin: 7 anti-terror bill protesters arestado sa UP Cebu sa 'paglabag ng quarantine'
Sa kabila niyan, iginigiit ng National Union of People Lawyers (NUPL) at Concerned Lawyers for Civil Liberties (CLCL) na wala ni isang batas na nagsasabing pwedeng magkulong ng raliyista ngayong may pandemya.
"These arrests have no legal basis in Republic Act (RA) No. 11469, the Bayanihan Act, nor RA 11332, the Mandatory Reporting of Notifiable Diseases, which do not prohibit rallies nor contain provisions allowing the police to arrest people on alleged violation of 'mass gathering rules,'" sabi ng CLCL.
"Even the IATF rules, otherwise known as the [enhanced community quarantine] rules, do not provide for the prohibition of rallies or the arrest of rallyists."
Pagkilos labas sa UP
Samantala, naglunsad din ng iba't iba pang pagtitipon ngayong araw kaugnay ng anti-terror bill.
Kaninang umaga lang nang ituloy ng Gabriela Women's Party ang kanilang "zumba dance" kontra anti-terror bill sa Lungsod ng Marikina.
Sa Taft, Maynila, naglabas naman ng mga placard sina Erin Tañada at walong iba pa sa De Lasalle University, na nagbunsod naman ng pagpapadala ng mga pulis.
Happy #122IndependeceDay Here at DLSU Taft...when the program started there were 40 PNP in fatigues that appeared at the gates. Thank you DLSU for fighting for what is right. #LawyersALLRISE #JunkTerrorBill #Mananita #BawiinAngKalayaan #IpaglabanAngKalayaan #VetoTerrorBill pic.twitter.com/gCQOk3yy3U
— Erin Tañada (@erintanada) June 12, 2020
Sa Visayas naman, naghihintay sa tapat ng UP Cebu ang mga riot police kahit hinahayaang magprotesta ang mga pabor sa anti-terror bill sa Metro Colon.
While riot police are in front of UP Cebu awaiting protesters for the 122nd Commemoration of Philippine Independence, supporters of the Anti-Terror Bill stage a rally at Metro Colon. #JunkAntiTerrorBill#ActivismNotTerrorism pic.twitter.com/4J3BSg5fDq
— BAYAN CenVis (@BayanCenvis) June 12, 2020
- Latest
