Postmaster General muling itinalaga bilang CEO

MANILA, Philippines - Muling itinalaga bilang Postmaster General ng Philippine Postal Corporation (PHLPost) si Joel Libarios Otarra, ikatlong araw matapos na siya ay ma-appoint ni Pangulong Rodrigo Duterte  bilang miyembro ng PHLPost Board of Directors.
Nagkakaisa namang iniluklok ng kasalukuyang mga miyembro ng Board of Directors si PMG Joel Otarra bilang Chief Executive Officer (CEO) na nanilbihan sa PHLPost  bilang Officer in Charge (OIC).

Sa kanyang panunungkulan sa PHLPost, hinangaan si Otarra ng mga kawani ng PHLPost sa kanyang kababaang loob at simpleng pamumuhay.  Ayon kay senior letter carrier Roberto Brondo ng Manila Central Post Office, ramdam nila ang katapatan at kababaang loob ni Otarra .

Sa kasalukuyan, patuloy na pinalalakas ng PHLPost ang pakikipag-alyansa nito sa gobyerno at pribadong institusyon upang makapaghatid ng ‘first-rate mail service’, parcels at iba-pang mga produkto paloob at palabas ng bansa.

Si Otarra ay nagtapos ng Bachelor of Arts in Economics sa Asian Social Institute and Theology at St. Francis Xavier Major Seminary, Davao City at Bachelor of Arts in Philosophy sa Notre Dame of Marbel University sa Koronadal City, South Cotabato. Bago siya nanungkulan sa gobyerno, ay naging chairman siya ng Center for Integrated Development at Social Marketing (CIDS), Inc. mula 1996-2015.