Goma kuntento na sa tahimik na buhay
Trailer pa lang ng movie nina Sharon Cuneta, Richard Gomez, at Kathryn Bernardo na Three Words To Forever ay punung-puno na ng mga eksenang pampamilya.
Mas dama pa ng mga manonood ang pag-arte nila dahil sa official soundtrack nitong Show Me A Smile na si Sharon mismo ang kumanta.
Sobrang thankful ang fans ng loveteam nina Sharon at Goma dahil after 15 years ay muli silang nagkasama at nagkatrabaho sa iisang pelikula.
Natupad naman ang pangarap ni Kathryn na makatrabaho ang dalawa sa magagaling na artista ng industriya.
Bagay kay Goma ang role niya sa nasabing pelikula, isang ulirang asawa at ama. Sa mag-ina niya sa tunay na buhay na sina Lucy Torres-Gomez at Juliana Gomez lang umiikot ang kanyang mundo. Kuntento na siya sa tahimik na buhay sa Ormoc kung saan siya tumatayo bilang Mayor.
Hindi siya nauubusan ng mga pinipitas na prutas at gulay sa kanilang bakuran at ekta-ektaryang taniman sa kanilang lugar. Enjoy rin siya sa pag-aalaga ng hayop. Talagang healthy lifestyle ang pamilya ni Goma dahil sa pagkain ng mga sariwang gulay at isda.
- Latest