Paborito ang Boston
Boston ang paboritong maghari sa NBA sa taong ito.
Sila ang pinakadominanteng team sa liga sa regular season at pinakamalalim ang bench. Jayson Tatum, Jalen Brown, Jrue Holiday, Derrick White at Al Horford.
Injured pa si Kristaps Porzingis pero inaasahang makabalik na ito sa Game 4.
Siguradong maraming nagdalawang-isip kagabi sa Celtics sa Game 3 dahil lamang all the way ang Indiana Pacers kahit wala ang best player nilang si Tyrese Haliburton.
Pero sinira ni Jrue Holiday ang lahat matapos niyang isalba ang Celtics para sa 3-0 bentahe sa best-of-7 series.
‘Wag lang abutin ng matinding malas, nasa tamang landas na ang Celtics patungo sa kanilang pang-18 NBA title para makawala sa tie kasama ang Los Angeles Lakers para sa winningest NBA team na katabla nila sa tig-17 titulo.
Obviously, malaki ang epekto ng pagkawala ni Porzingis na sinasamantala ng Pacers.
Kung makakabalik siya sa Game 4, gaano siya kaepektibo?, ang tanong.
Pero… wala pang team sa NBA ang nakakabangon sa 0-3 deficit.
- Latest
