Mask para sa taghiyawat

Usung-uso ngayon sa mga kabataan ang paggamit ng face mask. Kasabay ng pagkasikat ng paglalagay ng kilay ay unti-unti naring nadiskubre ng kababaihan ang importansya ng paggamit nito.

Kahit ano kasing uri ng iyong balat – normal, dry o oily ay mayroong mask na talagang akma sa inyo.

Para sa mga teenager, pwede ninyo subukan ang all natural mask gamit ang kombinasyon ng isang kutsaritang lemon juice, isang kutsaritang baking soda at isang kutsarang honey.

Paghalu-haluin ito mabuti ay ilagay sa mukha ng 15 minuto pero huwag kukuskusin.

Pagkatapos itong banlawan ay agad na makikita ang kakaibang lambot at aliwas ng inyong mukha.

Samantala, perfect naman sa mga tinitaghiyawat ang face mask na gawa sa pinaghalu-halong coconut oil, lemon juice at turmeric powder na mabibili sa pamilihan. Tantiyahin lang ang sukat ng bawat ingredient hanggang sa makabuo ng katamtamang mixture. Ibabad ito sa mukha ng 15 minutes at saka banlawan.