Nabun-text na mga Teenager

Dear Vanezza,

Mahigpit ang mama ko sa aking manliligaw. Kung hindi raw marunong humarap at magpaalam sa kanya ay hindi siya boto. Nagyayaya ang manliligaw ko na kumain kami sa labas. Paano ba magpapaalam ang mga manliligaw ko eh hindi nila nakikita si mama? Iba na ang panahon ngayon ‘di ba, puro text at chat na lang. Paano ba ko magkakaboyfriend? Kung mahigpit si mama. - Noralyn

Dear Noralyn,

Tama ang mama mo dapat ang lalaking manliligaw mo ay marunong humarap at magpaalam sa  iyong magulang. Marami na ang nabun-text na mga teenager at kababaihan dahil lamang sa text at chat na hindi muna pinakikilala sa kanilang magulang. Makinig kay mama upang magabayan na makilala ang tamang lalaking magiging nobyo mo.

Sumasainyo

Vanezza