Luho at Pagmamahal ng OFW

Ang pagbibigay layaw sa mga anak ng overseas Filipino workers gaya ng mamahaling sapatos na minsan ay hindi nakikita sa mga malls sa ‘Pinas ay nagbibigay saya sa mga mukha ng mga bata.

Pero bago ipagmayabang ng mga anak sa ibang kaibigan ang mga material na gamit, relo, cell phone; ang unang intensyon ng mga OFW ay pagpapakita ng pagmamahal kahit madalas ay nakokompromiso ang mga tatay na kailangan mag-extend ng overtime sa trabaho o kontrata. Kapalit na hindi makapiling ang mga anak lalo na ngayong kapaskuhan. Sa malas ay walang gumagabay sa mga anak habang sila ay lumalaki na hindi kagustuhan ng mga OFW. Dahil nais nang lahat ng mga ama ng tahanan na makapagtapos ang mga anak sa kanilang pag-aaral. Masama ba na ang hangarin lang ng mga OFW na maibigay ang kanilang pagmamahal sa anak sa pamamagitan ng kanilang luho na kasiyahan na ng mga magulang.