Kim waging-wagi sa Yahoo!

MANILA, Philippines - Kahit dumaan ang bagyong Glenda noong nakaraang Miyerkules hindi pa rin napigilan ang fans na dumagsa sa star-studded Yahoo! Celebrity Awards na ginanap kamakalawa ng gabi sa SM MOA Arena. Dalawang beses nagkaroon ng panandaliang brownout pero hindi pa rin napigilan ang mga nagwawalang fans na hintiayin ang mga idolo nila para masilayan o mahawakan man lang.

Pinakaunang rumampa sa purple (kulay ng Yahoo!) carpet si Maxene Magalona na lutang ang sexy at ganda sa suot na black sequin dress.

Ilan pa sa mga nagpakitang-gilas sina Andrea Brillantes na nanalong Child Star of the Year, JayR na sobrang tinilian kasama ang kanyang mga hawak na bandang Salbakuta, Q-York at ang lead singer ng Kley band, Deejay Poblete.

Halos umalingawngaw naman sa entrance ng Arena dahil sa hiwayan ng mga tao nang dumating ang nanalong Male Hothlete of the Year na sina Jeric at Jeron Teng.

Nakita rin ang TV host na si Gretchen Fullido, Papa Jack na nanalong Male DJ of the Year sa ikatlong pagkakataon, Gladys Reyes at asawang si Christopher Roxas, na hanggang ngayon ay mainit pa rin ang pagtanggap ng fans.

Magkasabay namang dumating si Sam Concepcion at Jasmine Curtis na halos hindi magkandaugaga ang mga tao sa pag-cheer. Rumampa rin ang nanalong Female Hothlete na si Gretchen Ho. Sobrang tinilian naman ng mga fans sina JC de Vera na pumayag pang makipag-selfie sa naghihiyawang bagets, Elmo Magalona na mag-isang naglakad. Sobrang hiyawan ang fans nang dumating si Coco Martin na halos nagmamadaling naglakad na guwardiyado ng may ilang bodyguards. Hindi rin magkandahumayaw ang mga tao nang dumating na sabay sina Jennylyn Mercado, na halos lumuwa ang dibdib sa suot na dress at Mark Herras na animo’y magdyowa pa rin.

Nag-perform sina Elmo Magalona, Mark Herras, at Jasmine Curtis ng isang dance number. Nagpakita rin ng kakaibang performance si Mr. Pure Energy, Gary V. kasama ang anak na si Gab.

Tumugtog naman ang nanalong Band of the Year na Parokya ni Edgar na pati ang host na si Maxene ay hindi napigilang magbigay ng papuri sa isa sa kanyang mga iniidolong banda.

Pinakahuling pasabog ang duet nina Sarah Geronimo at Bamboo na parehong nanalo rin ng award.

Pinakamaraming napanalunang award si Kim Chiu kung saan dineklara siyang Celebrity of the Year.

Sa kabuuan ang mga artista ng ABS-CBN ang naghakot ng award ng Yahoo.

Narito ang kumpletong listahan ng mga nagwagi:

Celebrity of the Year: Kim Chiu; Celebrity Couple: Bea Binene and Jake Vargas; Celebrity Family of the Year: Padilla Family; Social Media Star: Vice Ganda; Actor of the Year: Coco Martin; Actress of the Year: Kim Chiu; Male Emerging Star: JC De Vera; Female Emerging Star: Julia Barretto; Male Kontrabida: Jake Cuenca (Ikaw Lamang); Female Kontrabida: Jennylyn Mercado (Rhodora X); Love Team of the Year: Vice Ganda at Karylle; Child Star of the Year: Andrea Brillantes; Male TV Host: Vhong Navarro; Female TV Host: Kris Aquino; Fan Club of the Year: KimXi; Teleserye of the Year: Ikaw Lamang; News Program of the Year: TV Patrol; Movie of the Year: Bride for Rent; Male; Hothlete: Jeric and Jeron Teng; Female Hothlete: Gretchen Ho; Male Performer: Bamboo; Female Performer: Sarah Geronimo; Band of the Year: Parokya ni Edgar; Emerging Band of the Year: Yolanda Moon; Song of the Year: Bakit Ngayon by Julie Anne San Jose; FM Station of the Year: Love Radio; Male DJ: Papa Jack (Love Radio 90.7); Female DJ: DJ Chacha (Barangay LS 97.1)