Heart, todo rampa sa Paris!

Animo’y K-pop star ang 13-year old daughter ni Sen. Chiz Escudero na si Chesi.

Ang cute niya sa TikTok habang sumasayaw ng #EscuderoSigurado jingle ng kanyang daddy.

Well, hindi nakakataka kung bakit magaling umindak ang kakambal ni Quino. K-pop fan kasi si Chesi na minsan nang sinamahan ni Sen. Chiz sa isang K-pop concert.

Bukod sa nasabing TikTok video, naalala rin si Chesi ngayong nasa Paris Fashion Week at rumarampa ang stepmom niyang si Heart Evangelista.

Kung inyong maaalaala, sinama ni Heart si Chesi sa Paris Fashion Week last 2019.

Close sina Quino at Chesi kay Heart dahil sa pagiging mother figure nito sa kanila. “Thank you for always being here for us and being basically our mother figure while in quarantine and we don’t see Daddy and our mom everyday. We saw how strong you are and how you can take care of a household without having experience as a parent,” ang message nila kay Heart noong nakaraang Mother’s Day.

Nabanggit na ni Heart in a previous interview na naging extra malapit siya sa kambal nang magkaroon siya ng miscarriage a few years ago.

“I didn’t give them the gift of life, but especially when I got pregnant, I really felt differently towards them. I really felt the maternal feeling. I felt that and I loved them even more. I think they also loved me even more. It was a whole new experience for the family, lalo na when when I lost the babies,” banggit ni Heart sa isang panayam.

Nasa Paris ang certified social media superstar para rumampa sa highly anticipated event sa global fashion industry. She is now officially part ng luxury brand na Dior.

Nagkaroon din sila ng reunion sa Paris nina Anne Curtis and Solenn Heussaff.

Frequencies ng ABS-CBN pag-aari na ni Manny Villar, channel 43 napunta kay Pastor Quiboloy!

Matatapos ang mahaba-habang hulaan kung kanino ipagkakaloob ang frequencies ng ABS-CBN pagkatapos na hindi i-renew ang kanilang franchise ng 

kongreso, kinumpirma ng NTC na ipinagkaloob ito sa Advanced Media Broadcasting System (AMBS) ni former Senator Manny Villar. Iginawad nga ang provisional authority para i-operate ang Channel 2 at Channel 16 na dating digital TV frequency ng ABS-CBN 2.

Kinumpirma naman ng Sonshine Media Network International (SMNI) ni Pastor Apollo Quiboloy sa ABS-CBN News na pinagkaloob sa kanila ang UHF Channel 43 ng NTC na dati ring ino-operate ng ABS-CBN na ginamit sa TVPlus.

Sa Aliw Broadcasting Corporation naman ibinigay ang Channel 23 na da­ting ABS-CBN Sports+Action.

Pia, tapos na ang dream house

Maraming napa-OMG nang mag-post ang former Miss Universe Pia Wurtzbach ng “welcome home” photo.

Ang laki nga naman ng bagong bahay ng beauty queen pero bare pa, wala pang interior.

“Welcome Home, Pia! ops…practice lang! So pano ba to, BYOB na ba? Bring Your Own Bangko? Wala pang laman tong bahay ko LOL!

“One of my personal projects this year is being hands on with my new home. So excited to take you guys with me through the process! 

“What style do you think I’ll go for?,” walang location na post ni Pia.

Last Jan. 7 nang i-share niya sa kanyang social media accounts ang karanasan nang magka-covid habang nasa UK kasama ang kanyang pamilya.

And recently ay nag-upload siya ng sweet photos nila ng karelasyong si Jeremy Jauncey sa Scotland.

Julius, hindi agad nakapasok sa Frontline...

Ah sa Feb. 7 pala mag-uumpisa sa Frontline Pilipinas si Julius Babao.

Kagabi nga ay ibinalita ang tungkol dito sa nasabing programa.

Bukod sa nasabing news program, mapapakinggan din siya sa radio program ng network.

Diumano’y naudlot ang pag-uumpisa ni Julius sa TV5 dahil sa pag-surge ng Omicron.