AFAD event kasado na sa Nobyembre 18

MANILA, Philippines — Kasado na ang lahat para sa pagtataguyod ng Association of Firearms and Ammunition Dealers of the Philippines (AFAD) ng 32nd Defense and Sporting Arms Show sa Nobyembre 18 hanggang 22 sa Megatrade Hall SM Megamall sa Mandaluyong City.

Maliban sa gunshow, nais din ng event na palakasin pa ang programa para sa responsableng paggamit ng baril at ang pagsulong sa kampanya labna sa mga illegal firearms.

Ayon kay AFAD President Aric Topacio, kaakibat ng gobyerno ang asosasyon nito para mabigyan ng edukasyon ang mga may-ari ng baril sa ligtas na paggamit nito.

“Responsible gun ow­nership goes beyond simply possessing a firearm. It means understanding and complying with the law, ensuring proper storage and handling, and recognizing the responsibility that comes with owning one,” ani Topacio.

Bukod sa gunshow, nais din ng event na pa­lakasin pa ang programa para sa responsableng paggamit ng baril at ang pagsulong sa kampanya laban sa mga illegal firearms.

Imbitado sa event ang ilan sa mga opisyal ng Philippine National Police (PNP), Department of the Interior and Local Government (DILG) at iba pang sangay ng gobyerno.

“AFAD supports the government’s campaign against illegal firearms. We believe that strong coope­ration between legitimate industry players and law enforcement agencies is essential to stopping the proliferation of unregistered and illegally traded firearms,” ani Topacio.

Nakikipag-ugnayan ang AFAD sa ilang sa­ngay ng gobyerno para sa regulasyon at sa ligtas na paggamit ng firearms.

Suportado rin ng AFAD ang programa para sa mga Filipino shooting athletes upang mas lalo pang ma­ging competitive ang mga ito sa international stage.

Matatandaang humakot ang national shooting team ng apat na ginto, limang pilak at limang tanso sa 2025 Southeast Asian Games na ginanap sa Bangkok, Thailand.

“We want our Filipino athletes to have every opportunity to train properly, develop their skills and represent the country with pride. With the appropriate government clearances and compliance with all regulations, we hope to find practical ways to support their training requirements,” ani Topacio