Zion dili makaduwa sa Pelicans sa krusyal nga play-in vs Kings

CEBU, Philippines — Nakahiagum og dakong piang ang New Orleans Pelicans padung sa labing krusyal nilang duwa ning season.

Kini gumikan kay ang alas nilang si Zion Williamson dili makaduwa sa tinagakay nilang play-in batok sa Sacramento Kings sa NBA karong adlawa didto sa Smoothie King Center sa New Orleans, Louisiana.

Nakompirmar ang injury ni Williamson sa wala niining paa human gipaubos sa MRI exam kagahapon ug eksasiminon kini sud sa duha ka semana.

Si Williamson mipaulbo og 40 puntos uban ang 11 ka rebounds sa wala pa mayayay sa pinal nga 3:13 nga duwa atol sa 106-110 nilang kapildihan sa Los Angeles Lakers niadtong Miyerkules.

Ang modaog sa sangka tali sa Pelicans ug Kings mo-abante isip No.8 seed sa Western Conference playoffs diin nag-atang kanila ang top seed nga Oklahoma City Thunder sa unang hugna.

Ang Pelicans midaog sa tanan nilang lima ka duwa batok sa Kings sa regular season, upat ka higayon niini si Williamson nakapakita'g aksiyon.